About Us

साना किसान कृषि सहकारी संस्था लि. जब्दी हाल लालबन्दी नगरपालिका वडा नं. ४, जनकपुर अञ्चल सर्लाही जिल्लाको उत्तर मध्य भागमा अवस्थित रहेको छ । यस नगरपालिका को पूर्वमा इश्वरपुर नगरपालिका, पश्चिममा हरिऔन नगरपालिका, उत्तरमा सिन्धुली जिल्लाको मरिन ,दक्षिणमा हरिपुर नगरपालिका, हरु रहेका छन् । यस नगरपालिका मा पुरुष ३३०३५ महिला ३३३७६ गरी जम्मा ६६,४११ जनसंख्या रहेको छ । यहाँ बसोबास गर्ने कूल जनसंख्या मध्ये क्षेत्री, ब्राम्हण ४५ प्रतिशत रहेका छन् । चौधरी थारु ५ प्रतिशत, दलित ७ प्रतिशत र अन्य (तामाङ्ग मगर, कोईरी, साह, नेवार,आदि) ४३ प्रतिशत रहेका छन् । यस नगरपालिका मा बसोबास गर्ने कूल जनसंख्याको ९० प्रतिशत हिन्दु धर्म मान्दछन् भने १० प्रतिशत अन्य धर्म प्रति आस्था राख्दछन् । यहाँको मुख्य चाड पर्व मध्ये दशैं, दीपावली, छठ, फागु पूर्णिमा प्रमुख पर्वका रुपमा मानिन्छन् । यहाँको साक्षरता ७३।७ प्रतिशत रहेको छ । विकास निर्माणको दृष्टिले यस नगरपालिका मध्यम रुपमा रहेको देखिन्छ । नगरपालिका को सम्पूर्ण वडाहरुमा विद्युत ग्रावेल सडक, खानेपानी धारा (ट्यूवेल) रहेका छन् भने महेन्द्र राजमार्गसँग जोडिएको छ । शिक्षा क्षेत्रमा माध्यमिक विद्यालय, निम्न माध्यमिक र प्राथमिक ४८ वटा रहेका छन् । नगरपालिका कार्यालय, कृषि शखा, अतिरिक्त हुलाक, हेल्थ पोष्ट, दुग्ध संकलन केन्द्र र स्थानीय २५ वटा क्लबहरु रहेका छन् ।
    सहकारी सिद्धान्तहरुलाई आत्मसात गरी २६ जना शेयर सदस्यको अगुवाईमा कृषि विकास बैंक लि. साना किसान विकास आयोजना हरिपुरबाट २०५१ सालमा संस्थागत विकास कार्यक्रम लागु भई सहकारी ऐन २०४८ अनुसार जिल्ला सहकारी कार्यालय मलंगवामा मिति २०५२÷९÷१० मा संस्था दर्ता भई मिति २०५३÷३÷३० गते व्यवस्थापन हस्तान्तरण भएको थियो । यस साना किसान कृषि सहकारी संस्था लि. जब्दी (हाल लालबन्दी नगरपालिका वडा नं. ४) आफ्नै कार्यालय भवन रहेको छ ।